Shane ala hazrat

  

SHANE ALA HAZRAT   

Walid-e-majid farmate hai tum mujhe padhate ho 

Ala hazrat imam ahmad raza fazile barailvi razi allaho ta'ala anho apne jamane talibe ilami me ek din usule fiqau ki mashahoor kitaab muslimus sabut ka mutalah kar rahe the ke aapke walid-e-majid hazrat maulana naqi ali khan razi allaho ta'ala anho ka tehrir kiya hua ehteraz w jawaab nazar se guzrah ala hazrat ne kitaab-e-maskur ke hasiye par apna ek majmun tehrir farmaya jisme matan ki aisi taqeek farmayi ke sire se ehteraz warid hi na tha. phir jab ala hazrat padhane ke liye hazrat waled-e-majid ki khidamat me hazir hua, hazrat maulana ki nigahe ala hazrat ke likhe huye hasiya par pari to dekh kar unko is kadar mussarat huyi ke walid-e-majid uthe aur ala hazrat ko apne sine se laga liya aur farmaya ahamad raza tum mujhse padhate nahi ho, balake tum mujhko padhate ho.

Ref (Sawan-e-ala hazrat, Page, 107)

Ala hazrat ko ilam-e-ladunni tha 

 Vice Chancelar aligadh university rayaji ka ek maslah malook karne ke liye ala hazrat imam ahmad raza fazile barailvi razi allaho ta'ala anho ki khidmat me baraili sarif tasrif le gaye the. Khalifah ala hazrat, hazrat maulana said zafaruddin bihari rahamatullah ta'ala alaih ne vice chancelar shahab se kaha ke aap ne ala hazrat imam ahmad raza ko kaisa paya ? unho ne kaha ke ala hazrat imam ahmad raza bahut hi ba akhlak aur munkaserul mijaj aur rayaji bahut achchhi khasi jante hai, bavazud-e- ki kis se yah ilam padha nahi. ala hazrat imam ahmad raza ko ilam ladani tha.

Hazrat maulana bihari rahamatullah ta'ala alaih farmate hai ke vice chancelar shahab ko ala hazrat razi allaho ta'ala anho ki jo thori si sohabat nasib huyi to uski barkat se vice chancelar ne dadhi rakh li aur namaz ke bhi paband ho gaye.

Ref ( Savane ala hazrat,Page, 106)

Ae Iman walo ! ham sunniyo ke imam mujadid-e-azam ala hazrat imam ahmad raza fazile barailvi razi allaho ta'ala anho ko ilam-e-ladunni hasil tha aur ala hazrat imam ahamd raza fazil-e-baraivi razi allaho ta'ala anho ki sohabat ki barkat se duniya, jahan ka ilam rakhne wala aligadh university ka vice chancelar gunah w khata se taubah kar ke nek w sunnat wali zindagi guzarne par majboor hota hua nazar aata hai.

Hazrat ! gareeb w sadah logo ko mata'ashir to har koi kar sakta hai magar padhe likhe logo ko mota'ashir kar dena aur wo bhi bahut bari university ke sabse bare aohade par faiz rahne wale vice chancelar ko apni nek w pak sohabat se mota'ashir kar ke uski zindagi ko badal dena yaqinan ye kaam ala hazrat imam ahmad raza jaise mojadid-e-azam hi ka ho sakta hai warna is daur me aksar w bestar dekhane me aa raha hai ke bare gharane ke peer w murshid kahlane wale collego aur universitiyo ke bare bare mansab w ohde walo ko mota'ashir kar dena to door ki baat rahi balke khud unke bigari huyi zindagi se muta'ashir ho kar duniya dar banate nazar aa rahe hai.

Ala Hazarat Jaisa Aalim 200 Saal Me Nazar Nahi Aaya

Haqeekat ye hai ke din ke mujadid ke liye quran w hadish ke uloom jis kadar uboor ki jarurat hoti hai usse kahi jyada allah w rasool jallah jalalahu w ﷺ ne ala hazrat imam ahmad raza fazil-e-barailvi razi allaho ta'ala anho ko quran w hadish me uboor ata farmaya tha. algarj ala hazrat ka ilami paya itana buland hai ke jalilu qadar olama farmate the ke guzasta do sadi yani 200 saal 1200 hijri, 1300 hijri ke andar koi aisa jame alim nazar nahi aaya.

Ref ( Savane ala hazrat, Page, 108)

 Ala Hazrat ke parosi ek hazi shahab ka bayan

Janaab said ayub ali shahab ka bayan hai ke ek roj hazi mohammad  shah kha shahab jo ala hazrat imam ahmad raza fazil-e-barailvi razi allaho ta'ala anho ke makaan ke kuch fasile par unka makaan tha aur hazi mohammad shah shahab bare daulat mand aur zamindar shaks the, huzur ala hazrat razi allaho ta'ala anho ke makaan par jharu laga rahe the. hum logo ne jab hazi shahab ko jharu lagate huye dekha to humari gehrat ne gawarah na kiya ke ek budha dindaar aaj zamindar shaks jharu lagaye aur hum log dekhte rahe. hum logo ne chaha ke ye khidmat hum anzam de. magar budhe zamindar hazi shahab na mane aur farmane lage ke mere liye ye fakhar ki baat hai ke apne peer w murshid ke aafasana ke aaliya ki jarog khashi karu aur hazi mohammad shah shahab famate hai ke main umar me huzur ala hazrat razi allaho ta'ala anho se bara hu, unka bachpan jo tha jawaani dekhi aur ab budhapa dekh raha hu, har haalat me yakta-e-zamana paya tab hath me hath diya aur murid hua. budhape me to har koi buzurg ho jata hai magar maine unhe bachpan hi se takwa, taharat me bemisal aur yakta-e-rozdar dekha.

Ref (Hayat-e-ala hazrat, Page, 25)

Hazraat ! zamane bhar me peer w buzurg bankar thirana aur baat hai, kamal to jab hai ke ghar aur mohalle ke log peer w buzurg man le. mere aka ek nemat sarkar ala hazrat imam ahmad raza fazil-e-baraivi razi allaho ta'ala anho jis tarah puri duniya ki mohabbat w ahteram ki nigah me peer-w-buzurg aur mojjadid the usi tarah banke usse kahi jyada ghar aur mohalle walo aur shehar walo ne bhi peer-w-buzurg aur mojjadid jane aur mane jate the.

♡♤♡♤♡♤♡♤♡♤♤♡♤♡♤♡♤♡♡♡

Next post inshaAllah soon

♧♧♧♧♧♧♧♧♧♧♧♧♧♧♧♧♧♧♧♧

♡Allah ta'ala Hum Sab Ko Sahi Mane Me

Maslak-e-Haqq Maslak-e-Alahazrat Ki

Roshni me Amal karne ki taufiq de.Aameen♡

♡♡♡♡♡♡♡♡♡♡♡♡♡♡♡♡♡♡♡♡

♤Allah az'wazal Aap par Fazl farmaye !

♡♡♡♡♡♡♡♡

                            For reading...JazakAllah Khaira

♡♡♡♡♡♡♡♡

اَشْهَدُ اَنْ لَّآ اِلٰهَ اِلَّا اللہُ وَحْدَهٗ لَا شَرِيْكَ لَهٗ وَ اَشْهَدُ 

اَنَّ مُحَمَّدً اعَبْدُهٗ وَرَسُوْلُه

♡♡♡♡♡♡♡♡

~~~~~~~~~~~~~~~~~~~~~~~~~~~~~

Plz share to others also 

www.zikr-e-nabi.com