Hazrat Yaqoob aur Hazrat Yoosuf Alaihis salam
HAZRAT YAQOOB AUR HAZRAT YOOSUF ALAIHIS SALAM
Part:-06
♡♡♡♡♡♡♡♡♡♡♡♡♡♡♡♡♡Naujawan Yoosuf Alaihis'salam
Misr kee Auraton Zulaikha Razi'allahu Anha ko tane dene lagi aur kahne lagi use kya ho gaya hai jo apne Gulam se ishaq karti hai aur Gulam hai ki use khatir mein bhi nahi lata jab Zulaikha Razi'allahu Anha Ko yah khabar huie tou usne ek mahfil sajaee aur shahar kee Auraton aur khastaur par hukkam kee betiyon ko dawat dee
Mahfil mein sab auratein shareek huie is mauqe par Zulaikha Razi'allahu Anha ne kisi bahane se Hazrat Yoosuf Alaihis'salam ko bulaya jab auraton kee nigaah hazrat Yoosuf Alaihis'salam par padi tou hairan aur shashadar rah gayi , aur unke munh se nikla.
☆Mahaza Bashar . Inn haza illah malkun kareem
Tarjuma : Are Yah tou insaan nahi'n , Yah tou farishta hai bhala.
Zulaikha Razi'allahu Anha ne kaha, 'yah hai iski Muhabbat jiska tum mujhe tana diya karti ho' Zulaikha Razi'allahu Anha ne kaha, 'hamne is par Dore dale they yah agar meri baat na manega tou lazman qaid mein padega' sari auratein apne gharon ko wapas ho gayi magar do 2 auratein jo badi charb zaban thi'n ruki rahi'n unka irada tha ki Yoosuf ko raah par lakar rahengi
Unhein zabani aur meethi baton par bada bharosa tha we is baat ko nahi jati thi'n ki Yoosuf Alaihis'salam wah paakbaaz Shahabaaz hain jo Hawa aur hawas k jaal mein nahin fans sakta ek ne jakar Yoosuf Alaihis'salam se kaha, "too Zulaikha kee baat kyon nahi manta too agar Aaftab hai tou wah kisi Chand se kam nahin teri bhalaee isi mein hai ki Zulaikha Razi'allahu Anha Ko Naummeed na kar"
Hazrat Yoosuf Alaihis'salam ne kuch aisi Naseehat farmaee ki wah aurat hairaan aur khamosh hokar wapas aa gaee iske baad doosri aurat ne jakar Hazrat Yoosuf Alaihis'salam se kaha
'Agar toone Zulaikha kee Aarzoo poori na kee aur apni hath par qayam raha tou jald hee qaidkhane mein daal diya jayega'
Hazrat Yoosuf Alaihis'salam par is darane-dhamkane ka kuch bhi asar na hua ye auratein bhi nakam wapas ho gayi in tamam baton se Hazrat Yoosuf Alaihis'salam ne tang aakar janabe ilahi mein faryad kee, "Khudawand , jis cheez kee taraf ye auratein mujhe bulati hain usse accha tou mere liye qaidkhana hee hoga is gulistaan se behtar tanhaee hai" we dono'n auratein jinhein khud bhi Hazrat Yoosuf Alaihis'salam se Muhabbat ho gaee thi Zulaikha k paas gayi aur kaha
"Yosuf ko chand roz k liye qaidkhane mein bhijawa do is tarah Mumkin hai ki wah is aish-o-aram aur sazo-Saman kee qadr jane aur qaidkhane kee wahashat mein use teri qadr maloom ho
Zulaikha Razi'allahu Anha ko yah baat pasand Aaee usne Azeeze Misr se kaha "is ibrani Gulam ne mujhe tamam khalq mein ruswa kiya ise lazman qaidkhane mein bhej do taki log yah jane ki mera daman is Gulam se pak hai aur qusoor agar hai tou Gulam ka" Azeez ne apne tamam logon se mashwara kiya sab ne Zulaikha kee ray se ittifaq kya is tarah Hazrat Yoosuf Alaihis'salam mahal se qaidkhane pahunche Hazrat Yoosuf Alaihis'salam ko badi khushi hue , islie ki ab wah fareb aur fitne se bilkul mahfooz they...
Ref ( Qanssul Anbiya )
"Yosuf ko chand roz k liye qaidkhane mein bhijawa do is tarah Mumkin hai ki wah is aish-o-aram aur sazo-Saman kee qadr jane aur qaidkhane kee wahashat mein use teri qadr maloom ho
Zulaikha Razi'allahu Anha ko yah baat pasand Aaee usne Azeeze Misr se kaha "is ibrani Gulam ne mujhe tamam khalq mein ruswa kiya ise lazman qaidkhane mein bhej do taki log yah jane ki mera daman is Gulam se pak hai aur qusoor agar hai tou Gulam ka" Azeez ne apne tamam logon se mashwara kiya sab ne Zulaikha kee ray se ittifaq kya is tarah Hazrat Yoosuf Alaihis'salam mahal se qaidkhane pahunche Hazrat Yoosuf Alaihis'salam ko badi khushi hue , islie ki ab wah fareb aur fitne se bilkul mahfooz they...
Ref ( Qanssul Anbiya )
For reading...JazakAllah Khaira
♡♡♡♡♡♡♡♡♡♡♡♡♡♡♡♡♡♡♡♡♡♡♡
اَشْهَدُ اَنْ لَّآ اِلٰهَ اِلَّا اللہُ وَحْدَهٗ لَا شَرِيْكَ لَهٗ وَ اَشْهَدُ
اَنَّ مُحَمَّدً اعَبْدُهٗ وَرَسُوْلُه
♡♡♡♡♡♡♡♡♡♡♡♡♡♡♡♡♡♡♡♡♡♡
~~~~~~~~~~~~~~~~~~~~~~~~~~~~~
Plz share to others also
www.zikr-e-nabi.com
No comments