Karamat e sahaba

KARAMAT E SAHABA

AAGE KEE BAAT JAAN LENA:

HAZRAT ABOO BAKR SIDDIQUE RAZI'ALLAHU TA'ALA ANHU 

KARAMAT 

Huzoore akram sallallahu alaihi wasallam ne apni wafate aqdas se sirf chand din pahle roomiyo se jang ke liye aik lashkar kee rawangi ka hukm farmaya aur apni bimari hee ke dauran apne daste mubarak se jang ka jhanda bandha aur Hazrat usama bin zaid razi'allahu ta'ana anhu ke hath mein yah nishane islam de kar unhe us lashkar ka kamandar banaya abhi yah lashkar maqame "jarf" mein khema zan tha aur faujiyo'n ka ijtema ho hee raha tha ki wafat kee khabar fail gaee aur yah lashkar maqame  jarf se madeena munawwara wapas aa gaya "visaal" ke baad hee bahut se qabaile arab murtad aur islam se fir kar kafir ho gae sath hee muslimatul kazzab ne apni nubuwwat ka da'awa karke qabaile arab mein kufr kee aag bhadka dee aur bahut se qabail kafir ho gae

Is bikharav ke daur me Ameerool Momineen hazrate aboo bakr siddique razi'allahu ta'ana anhu ne takhte khilafat par qadam rakhtey hee sab se pahle yah hukm farmaya ki "jaish usama" ya'ni islam ka wah lashkar jis ko Huzoor e akram sallallahu alaihi wasallam ne Hazrat usama razi'allahu ta'ana anhu kee nigrani me rawana farmaya aur wah wapas aa gaya hai dobara us jihad ke liye rawana kiya jae Hazrat e sahaba-e-kiram bargahe khilafat ke is elaan se bahut dar gaye aur kisi tarah bhi yah mamala un ki samajh mein nahi aaraha tha ki aisi khatarnak soorate haal me jab ki bahut se qabail islam se fir kar madeena munawwara par hamlo kee taiyariyan kar rahe hai aur jhoothe nubuwwat ke dawa karne walo ne arab ke pahad me loot maar aur bagawat kee aag bhadka rakhi hai itni badi islami fauz ka jis me bade bade namawar aur ladakoo sahaba-e-kiram maujood hai 

Mulk se bahar bhej dena aur madeena munawwara ko bilkul faujiyo'n se khali chod kar khatarat mol lena kisi tarah bhi aqele saleem ke nazdeek qabile qabool nahi ho sakta chunanche sahaba-e-kiram kee aik chuni huie jama'at jis ke aik fard hazrate umar bin khattab razi'allahu ta'ana anha bhi hai bargahe khilafat me hazir hue aur arz kiya ki ae jaansheene paigambar! Aese khatarnak mahaul me jab ki madeena munawwara ke charo taraf murtadeen ne bagawat faila rakhi hai yahan tak ki madeena munawwara par hamla ke khatarat darpesh hai aap Hazrat usama ke lashkar ko jane se rok de taki us fauz kee maddad se kafiro ka muqabala kiya jae aur un par jeet hasil kee jae yah sun kar aap ne gusse me tadap kar farmaya ki khuda kee qasam! mujhe parinde uchak le jaen yah mujhe gawara hai lekin mai us fauz ko jane se rok doon jis ko apne daste mubarak se jhanda bandha kar Huzoor akram sallallahu alaihi wasallam ne rawana farmaya tha yah hargiz hargiz kisi haal men bhi mere nazdeek qabile qabool nahi ho sakta main us lashkar ko zaroor rawana karoonga

Aur us mein aik din kee bhi deri bardast nahin karoonga chunanche aapne tamam sahaba-e-kiram ko mana karne ke bawajood us lashkar ko rawana kar diya khuda kee shan ki jab joshe jihad mein bhara hua lashkar islamiya ka yah samandar mauje marta hua rawana hua tou ird-gird ke tamam qabail mein shaukate islam ka sikka baith gaya aur murtad ho jane wale qabail ya wah qabeele jo murdad hone ka irada rakhte the musalmanon ka yah bhayanak lashkar dekh kar khauf wa dahshat se kanp gae aur kahne lage ki agar khaleefae waqt ke paas bahut badi fauz rizarv maujood na hoti to wah bhala itna bada lashkar mulk ke bahar kis tarah bhej sakte the?

is khayaal ke aate hee un jangajoo qabail ne jinhone murdat hokar madeena munawwara par hamla karne ka palan banaya tha khauf wa dahshat se apna irada khatm kar diya balki bahut se fir tauba karke aagoshe islam mein aa gae sur madeena munawwara kafiro ke hamlo se Mahfooz raha aur Hazrat usama bin zaid razi'allahu ta'ala anhu ka lashkar maqame "ibni" mein pahunch kar roomiyo'n ke lashkar se jang karne laga 

Aur waha bahut hee khoonrez jang ke baad lashkare islam kamiyab ho gaya aur hazrate usama razi'allahu ta'ala anhu beshumar male ganeemat lekar chalees 40, din ke baad fatehana shane shaukat ke sath madeena munawwara wapas tashreef lae aur ab tamam sahaba-e-kiram ansar wa muhajireen par yah raaz khul gaya ki Hazrat e usama razi'allahu ta'ala anhu ke lashkar ko rawana karna hikmat ke mutabiq tha kiyon ki is lashkar ne aik taraf to roomiyo'n kee faujee taqat ko tahas nahas kar diya aur doosri taraf murtadeen ke hausalo ko bhi past kar diya yah Ameerool Momineen hazrate aboo bakr siddique razi'allahu ta'ala anhu ki aik badi karamat hai ki aage bhi hone wale waqi'aat aap par waqt se pahle hee jageer ho gae aur aapne us faujekashi ke mubarak iqdam ko us waqt apni nigahe karamat se nateeje ke taur par dekh liya tha jab ki waha tak doosre sahaba-e-kiram ko waham wa guman bhi nahi pahunch sakta tha..

Ref { Tarikhul khulfa safa 52, Madarij'unnbuwwah jild 2, safa 409 }

next post insha Allah soon

plz share to others also

www.zikr-e-nabi.com