Hazrat Yaqoob aur Hazrat Yoosuf Alaihis salam
HAZRAT YAQOOB AUR HAZRAT YOOSUF ALAIHIS SALAM
Part:-09
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡Hazrat Yoosuf Alaihis'salam kee Rihaee post:-01
Ja Khuda ko Manzoor hua ki Hazrat Yoosuf Alaihis'salam ko qaid se Rihaee mile tou iska Samaan is tarah kiya gaya ki Badshah Misr ne ek Ajeeb w Gareeb khwab dekha usne dekha ki saat 7 Moti-Tazee Gaaye Dariya-E-Neel se bahar nikali , jinke peeche saat 7 , Gaaye aur bhi nikali lekin wah nihayat Dubli-Patli thi'n
Badshah ne dekha ki Dubli Gaaye ne Moti Gaaye ko nigal liya lekin iske bawajood unke pet pichke hee rahe wah Dubli hee rahi'n , isliye ki unki bhookh bahut zyaada thi iske Alawa Badshah ne saat 7 Danedar Baliya'n dekhi jo Sabz aur hare-bhari thi iske sath usne saat 7 , Baliya'n Sookhi huee aur khushk dekhi Badshah ne dekha ki khushk Baliya'n Sabz Baliyon se lipat gayi , yaha'n tak ki Sabz Baliyon kee Sabzee Baqi na rahi Badshah jaaga tou bahut fikrmand aur ghamgeen hua Tamaam Jadoogaron aur kahinon ko bulaya aur usne apne khwab kee tabeer poochi koi bhi khwab kee tabeer na kar saka sabne kaha, "yah tou khwabe-paresh hai ye tou udte sapne hain , Aese khwabon kee tabeer hum nahi karte"
Achanak Saaqee ko Yoosuf Alaihis'salam kee yaad aayi use yaad aaya ki kabhi usne bhi khwab dekha tha jiski kitni sacchi tabeer Yoosuf Alaihis'salam ne bayan kee thi use khwab aaya ki usne Yoosuf Alaihis'salam se kuch wada bhi kiya tha Saaqi ne Badshah se kaha, 'in logon kee batein bekar aur layani hain aapke khwab beshak sacche hain aur yaqeenan inki koie tabeer bhi hai fir usne apna sara qissa Badshah se bayaan kiya ki usne kis tarah qaid khane mein khwab dekha tha jiski sahi tabeer Yoosuf Alaihis'salam ne Bayan kee thi.
BADSHAH NE KAHA, "YOOSUF ALAIHIS'SALAM KAUN HAI, USKE HALAT BAYAAN KARO?"
Saaqi ne kaha, "Jahanpanah , main zyada tou nahi janta magar itna samajha hoon ki wah kareemzaada hai aur Ibraheem Alaihis'salam kee Aulaad mein se hai use soorat bhi mili hai aur Seerat bhi Azeez ne apni Aurat k kahne se Qaid kar rakha hai"
BADSHAH NE KAHA, "QAIDKHANE JAO AUR PAHLE KHWAB KEE TABEER MALOOM KARO"
Saaqee Qaidkhane pahuncha aur kaha:
"Badshah ne ek Azeeb-w-Ghareeb dekha hai tum uski tabeer bayaan karo taki Badshah tumhara rootbe w Qeemat ko samajh jaae aur tumhe qaid se Rihaee bhi Hasil ho" fir usne Badshah ka khwab Hazrat Yoosuf Alaihis'salam se Bayan kiya Hazrat Yoosuf Alaihis'salam ne apni ILhaami Zubaan se Farmaya :
"Saat 7 Moti Gaayo Aur saat 7 Sabz Baliyon se Muraad saat 7 aisi baras hai jin me mulk mein badi Khushhali Aaegi , Barish hogi , Kheti ko tarqqi hogi , log Aasooda aur Khushal ho jayenge aur saat 7 Dubli Gaayo aur Saat 7 Sookhi Baliyon se Murad aise saat 7 saal hain jo un saat barson k baad aayege aur in saalon mein sakht qahat padega log faqon se do-chaar honge logon kee khetiyan tabah hongi aur unka Jeena doobhar ho jaega "fir aapne Mushkil dinon se nibatne kee Tadbeer bhi batayi aapne kaha ki log saat 7 acche saalon mein mehnat se kheti kare aur zaroorat k mutabiq kifayat se kharch kare
Anaaz ko Baliyon samet qahat k dinon k liye bhi bacha rakhe qahat ka zamana guzarne k baad fir din firenge , Barish hogi aur log Aasooda aur Khushal ho jayenge Saaqee ne jab Qaidkhane se lautkar Badshah se uske khwab kee tabeer bayan kee tou Badshah ko yaqeen ho gaya ki yah uske khwab kee sacchi tabeer hai aur kahinon aur najoomiyon kee batein sarasar ghalat hain
BADSHAH NE HUKM DIYA,
"YOOSUF ALAIHIS'SALAM KO QAID SE RIHAI KIYA JAYEGA "
Ref ( Qanssul Anbiya )
Ref ( Qanssul Anbiya )
اَشْهَدُ اَنْ لَّآ اِلٰهَ اِلَّا اللہُ وَحْدَهٗ لَا شَرِيْكَ لَهٗ وَ اَشْهَدُ اَنَّ مُحَمَّدً اعَبْدُهٗ وَرَسُوْلُه
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏
Plz share to others also
www.zikr-e-nabi.com
Islami👇 maloomat ke liye hamare YouTube channel ko zaroor subscribe karen aur apne ilm w amal me izafa karen
No comments