Seerat ul anbiya

SEERAT UL ANBIYA 

HAZRAT NOOH ALAIHIS'SALAM 

Hazrat Nooh Alaihis'salam ne arz kiya khudawand ! in ki nasl me se koie iman layega ya nahin hukm hua, ye tou iman na layenge, inka dil to patthar ho chuka hai fir bhi hazrat Nooh Alaihis'salam ko apni qaum se jo lagaw tha, uski buniyad par unko ek or samajhaya aur kaha, logo, iman na laoge to ab yah samjho ki ab azabe ilahi aaya hee chahta hai lekin is baar bhi qaum ke sardaron ne usi tarah jawab diya aur kaha, ham to wudd,suwa'a yagoos aur yaoos  ( jo hamare but hai ) ki pooja kabhi na chodenge aur agar too sachcha hee hai to azaab le aa, hame uska koie dar nahi hazrat Nooh Alaihis'salam yah jawab sunkar mayoos ho gaye bade hee gam ke sath Allah se gidgidakar arz kiya ki Ae Allah ! jab mai apni qaumwalon ko Islam kee taraf bulata hoon taki we apni zindagiyan bana-sanwar sake, to we mujhe sunkar nahin detey , kano me ungaliyan thoons letey hai 

Be-tawajjohi ke liye apne oopar kapde DAAL letey kufr par jame rahtey hai, ab mai kiya karoon? bahut majboor ho gaya hoon, ab to tera azab aa hee jana chahiye inhe tabah kar de, inka sab kuch khatm kar de hazrat Nooh Alaihis'salam kee dua se fir us qaum par akal pad gaya, yaha, tak ki unki nasl kee badhottari ka silsila hee band ho gaya ise baad Allah ke hukm se hazrat Jibraeel alaihis salam ne saaj ped bone ka hukm diya aur bees wars me use kafi mazboot kar diya fir Allah hee ke farman par hazrat Nooh Alaihis'salam ne uski lakadi se kashti banani shuru kar dee kafir pahle to Nooh Alaihis'salam ko state rahe Jab kashti banne lagi ye mazaq banane lage kahtey "Ae Nooh Alaihis'salam ! ab tum Nabi ke darje ko pahunchane ke baad , badhaee kab se ho gaye ? kiya paigambar ke kamon se thak gaye? kashti to banatey ho par pani kahan hai jisme yah kashti chalegI,  

Kiya yah khushki par chalegi hazrat Nooh Alaihis'salam kahtey tum apne amal ke nateejo se gafil ho, aaqibat me tum par kiya beetegi ise samajh nahi rahe ho isliye tum kiya samjho in baton ko ? fir hazrat Nooh Alaihis'salam ne kashti taiyaar kar lee, bahut mazboot kashti takhton ke har jod par qeer ka tel laga diya Allah hee ke hukm se shamshad ke takhton ka taboot hazrat Aadam Alaihis'salam kee haddiyon ke liye banaya fir hazrat Jibraeel alaihis salam ne har jis ke janwar jo zameen par they unko hazrat Nooh Alaihis'salam ke paas jama kiye unhone in charindon ,  parindon aur darindon ka ek-ek joda kashti me chadhaya, hazrat Nooh Alaihis'salam par iman lane wale 82 musalman bhi kashti par sawar ho gaye jab poori taiyari ho gayi, tab Allah ka azaab aane shuru hua bhayanak azaab tanoor se farwware ki tarah pani bahana shuru ho gaya barish ka pani alag poori zameen me pani hee pani bhar utha

Ref ( Qanssul Anbiya , pg , 36,37 )

  OPEN THIS LINK👉  Very Beautiful Naat Sharif by Asif babu


♡♤♡♤♡♤♡♤♡♤♤♡♤♡♤♡♤♡♡♡

Next post inshaAllah soon

♧♧♧♧♧♧♧♧♧♧♧♧♧♧♧♧♧♧♧♧

♡Allah ta'ala Hum Sab Ko Sahi Mane Me
Maslak-e-Haqq Maslak-e-Alahazrat Ki
Roshni me Amal karne ki taufiq de.Aameen♡

♡♡♡♡♡♡♡♡♡♡♡♡♡♡♡♡♡♡♡♡

♤Allah az'wazal Aap par Fazl farmaye !
♡♡♡♡♡♡♡♡
                            For reading...JazakAllah Khaira

♡♡♡♡♡♡♡♡

اَشْهَدُ اَنْ لَّآ اِلٰهَ اِلَّا اللہُ وَحْدَهٗ لَا شَرِيْكَ لَهٗ وَ اَشْهَدُ 

اَنَّ مُحَمَّدً اعَبْدُهٗ وَرَسُوْلُه

♡♡♡♡♡♡♡♡

~~~~~~~~~~~~~~~~~~~~~~~~~~~~~

Plz share to others also 

www.zikr-e-nabi.com