Zikre nabi

ZIKR E NABI 

Hamare Huzoor ke Maa-Baap Momin aur jannati hai

Hazraat Allah ta'ala ne apne mehboob rasool, Mohammad Mustafa sallallahu ta'ala alaihi wasallam ke noor ko hazrat aadam alaihis salam ke peshani me rakha to hazrat aadam alaihis salam ki peshani chamakane lagi aur hazrat aadam alaihis salam jo mosjude malaika bane wo bhi noore mustafa sallallahu ta'ala alaihi wasallam ki barkat thi. Mashahoor buzurg hazrat imam fakhruddin raazi razi allahu ta'ala anho farmate hai aadam alaihis salam ko sajda karne ka hukum jo farishto ko diya gaya tha wah is wajah se tha ki inki peshani me mohammad Sallallahu ta'ala alaihi wasallam ka noor tha

Ref () Tafsire Kabir, Zilad 2, Page 318, Millad-Un Nabi, Page 19 )

Sarkare ala hazrat imam ahamad raza fazile barailvi razi allahu ta'ala anho farmate hai ki

Tere aage khak pe jhukta hia matha noor ka

Noor ne paya tere sajde se matha noor ka

Nuktah yaha par ek baat nehayat kabile gaur hai ki shaitan ne hazaro baras Allah ta'ala ki ibadat ki, magar nabi ki tazim karne se inkar kar diya to Allah ta'ala ne hazro baras ke ibadat ko nahi dekha balki apni nabi ki tazim w adab ko dekha aur tazim na karne wale ko mal-un w mardud karar de diya aur farisato ne tazim w adab kiya to mehboob thehare. To malum hua ki Allah ta'ala ke bargah me mehboob aur mokarrab banne ke liye ibadat ke sath nabi ki tazim w tawkir bhi jaruri hai hazrat imam ahmad bin mohammad kastalani rahmullah ta'ala alaih aur hazrat imam mohammad bin abdul baki az'zarkani rahmullah ta'ala alaih farmate hai agar saitan noore mohammdi Sallallahu ta'ala alaihi wasallam ki chamak aadam alaihis salam ke chehare me dekhta to farisato se pahle sajda karta

Ref () Mawahibe Laduniya, Jarkani, Zilad, 1, Page 63

Ae Imam walo maloom hua ki jo log noore mohammdi Sallallahu ta'ala alaihi wasallam nahi dekhate ya uske kayal nahi hote wahi log be'adab aur gustakh hote hai. phir wah noore mohammadi Sallallahu ta'ala alaihi wasallam munkil hota hua hazrat ibarahim alaihis salam ki peshani me jalwa gar hua jis ki barkat se hazrat ibrahim alaihis salam par nar'e namrud gulzar ho gayi aur Allah ka khalil, namrud mardud ke sar se mehfuz rahe. phir wo noore pak hazrate ismail alaihis salam ki puste pak me thehara jiske barkat se hazrat ismail alaihis salam par chhuri kuch bhi asar na kar saki aur hazrat jabihullah alaihis salam chhuri ke niche bhi mehfuz rahe.

Hazraat isi tarah Allah ta'ala ne jahan jahan chaha wo noore mustafa sallallahu ta'ala alaihi wasallam gardis karta raha aur pak salbo se pak rehamo tak muntakil hota raha phir wo noore pak hazrat abdul muttalib se hazrat abdullah ke salbe pak me muntakil ho kar hazrat abdullah ki peshani ko chamkata hua hazrat aamana taiba razi allaho ta;ala anha ke raham me karar paya. Hamare huzoor sarapa noor mustafa kareem Sallallahu ta'ala alaihi wasallam ka noore pak jahan se guzra us jahan ko chamkata aur raushan karta guzrah.

Hazrat aadam alaihis salam ki peshani hazrat ibrahim alaihis salam khillat aur qurbani hamare huzur ke noor se chamake. Hazrat ismail alaihis salam ka ishar w qurbani hamare huzoor ke noor se chamake. Hazrat suleman alaihis salam sutut w hukumat hamare huzoor ke noor se chamake. Hazrat Yusuf alaihis salam ka husno zamal hamare huzoor ke noor se chamaka. Hazrat musha alaihis salam ka kalam hamare huzur ke noor se chamaka. Hazrat isha alaihis salam ke ruhaniyat ka kamal w jamal hamare huzoor ke noor se chamaka. Hatta kya tamam ambiya-e-keram aur rasulane aejam ke nabuwat w risalat ka kamal hamare huzoor ke noor se chamaka.

Hazraat hazrate abubakar ke sadakat hamare huzoor ke noor se chamaki. Hazrate Umar farooque ke adalt hamare huzoor ke noor se chamaki. Hazrate Usmane gani ki sikhawat hamare huzoor ke noor se chamaki. Hazrate maula ali ki wilayat w shuja'at hamare huzoor ke noor se chamaki. Hazrat saida fatma ke taharat hamare huzoor ke noo se chamaki. Hazrate imame hasan aur hazrate imame husain ki sahadat hamare huzoor ke noor se chamaki. Hazrat Imam Azam ke imamat hamare huzoor ke noor se chamaki. Hamare peer huzoor gause aazam ke karamat hamare huzoor ke noor se chamaki. Hind ke raja pyare Khawaja ke wilayat hamare huzoor ke noor se chamaki. Imam Ahmad raza,  Sarkare ala hazrat ki mozaddediyat hamare huzoor ke noor se chamaki. Huzoor Muftiye Aazam hind ke takwa aur haharat hamare huzoor ke noor se chamaka aur hum sunniyo ka chehara hamare huzoor ke noor se chamak raha hai aur chand aur suraj aur sitare hamare huzoor ke noor se chamak rahe hai. Kudrat ke nakib ne pukara, yu ailan kar do ki aaj tak jitne chamake hai to hamare huzoor ke noor se chamake hai aur qayamat tak jitne chamakenge to hamare huzur ke noor se chamakenge. To baraili sarif se ashiq'e rasool pyare raza, achchhe raza, imam ahamed raza fazile barailvi razi allahu ta'ala anho farmate hai ya rasool allah sallallahu ta'ala alaihi wasallam.

Chamak tujhse pate hai sab pane wale

Mera dil bhi chamakade chamkane wale

♡♤♡♤♡♤♡♤♡♤♤♡♤♡♤♡♤♡♡♡

Next post inshaAllah soon

♧♧♧♧♧♧♧♧♧♧♧♧♧♧♧♧♧♧♧♧

♡Allah ta'ala Hum Sab Ko Sahi Mane Me

Maslak-e-Haqq Maslak-e-Alahazrat Ki

Roshni me Amal karne ki taufiq de.Aameen♡

♡♡♡♡♡♡♡♡♡♡♡♡♡♡♡♡♡♡♡♡

♤Allah az'wazal Aap par Fazl farmaye !

♡♡♡♡♡♡♡♡

                            For reading...JazakAllah Khaira

♡♡♡♡♡♡♡♡

اَشْهَدُ اَنْ لَّآ اِلٰهَ اِلَّا اللہُ وَحْدَهٗ لَا شَرِيْكَ لَهٗ وَ اَشْهَدُ 

اَنَّ مُحَمَّدً اعَبْدُهٗ وَرَسُوْلُه

♡♡♡♡♡♡♡♡

~~~~~~~~~~~~~~~~~~~~~~~~~~~~~

Plz share to others also 

www.zikr-e-nabi.com